مزرزحزبزا كزيزفزكزن
لا ياباشا انا ماعم احكي بالمقلوب ولا عم خبص
هاي جملة مفيدة ةهي (مرحبا كيفكن)
بس والله مو مشكلتي ازا مابتحكو لغة لسان العصفور
وبصراحة ولا انا بحكيها 
المهم:
في للغة اسمها لسان العصفور؟؟؟؟؟
مارح تلاقيها لا بجوجل ولا بالمعجم ولا حتى كورسات
تعالو نشوف كيف نحكيها ......
وزيزلزا نزبزدزأ
يعنييييي (يلا نبدأ)
قبل مانتعلم كيف نحكي هاللغة لازم نسأل حالنا ازا هي عنجد للغة.
اممممم هي مو للغة لانو اللغة مرتبطة بالقواعد و جزور تاريخية والى آخره
بس فينا نقول انها شيفرة تعديل على الكلام العربي او ماشرط على الكلام العربي بس اه هلق بنشوف 
هي ببساطة تشكيلها كالتالي :
بنضيف حرف ال(ز) بعد كل حرف ماعدا الحرف الاخير.
يعني مرحبا بتصير(مزرزحزبزا)
وفي ناس بحطو مكان السين شين متل سويسرا (شزوزيزشزرزا)
وفي ناس بتزيد حرف(م \ز)
وصار الها كتير تفرعات بس الاساس هي يلي مع زيادة حرف (ز) بس.
طيب ايمت اخترعوها و وين و ليش ؟؟؟؟
لحظة رح تعرف كلشي ان شاءالله
المصادلر بتقول تم اختراعها على يد الثوار السوريين واللبنانيين اثناء فترة الانتداب الفرنسي ويعني بسنة 1920 \1946 .
ومابيعرفو الشخص التمام يلي اخترع هاللغة بس هيك اخترعوها الثوار مشان يقدرو بتواصلو مع بعض بدون ما العوانبنة والجواسيس يفهمو
في كتير لغات متل هاللغة متل :
لغة الطيور \التصفير يلي ساكنين بشمال تركيا
وبسبب وعورة وبعد الطرق بين كل بيت اخترعو من خمسين سنة للغة واللي هي للغة الطيور او التصفير .
وهاللغة شي مهم كتير عفكرة اكتر مما بتتصور لانو وكالة الثقافة التابعة للامم المتحدة حذرت من انقراض اللغة لانو صار في اقل من 10000 شخص بيتحدثو هاللغة .
وبس بعرف طولت كتير I AM SORRY
دمتم سالمين 