السلام عليكم ورحمة الله وبركاته
مساء الخير جميعا
اتفضلوا اقعدوا مش عايزة حد واقف فى حصتى ههههه قصدى منشورى أ - جعفر و أ - السراب فين باقى الاعضاء ....اااه قولتولى يأما بيذاكروا ياما بيشتغلوا...
طب مليار هات طلاب الثانوية العامة وتعالوا مافيهاش حاجة لو استريحتوا من المذاكرة خمس دقايق وانت يا نوجا جمعى طلاب الجامعة وتعالوا مش هأخركم ولو جيتوا كلكم هاندعيلكم تنجحوا والامتحانات تيجى سهلة باذن الله وانت يا مرام جمعى الباقيين الدوام خلص من ساعة انا مرقباكم ههههههه.
الحمد لله العدد كده حلو قوووى يالا نبدا بسم الله توكلنا على الله.
انا جمعتكوا النهاردة بالتحديد عشان ده دورى فى حملة طليق فى ساعة تاريخية بس
مش عشان اقولكم اننا هانتجمع يوم السبت 19 يونيو 2021 نووووو
ولا عشان اقولكم انه هايكون يوم عالمى وان الساعة 8 بتوقيت القاهرة ميعاد التجمع هاتكون ساعة تاريخية فى عمر طليق بردوا نوووووو
ولا قصدى تعرفوا ان صاحب الفكرة هو Mohamma dbattik وان الفريق مكون من Romantic love - Mervat - Ruba elzamel - Jareer almanaia - Queen myself - Bara'a - Simran - Nouf - Dr Abeer - Salma said - Safinaz
وان الفريق ده محتاج دعمكم عشان الفكرة تنجح ونوصل بالساعة دى لقمة التفاعل .
لكن عايزة اقولكم ان فى واحد تعب كتير واعطانا من جهده وصحته ووقته ووقت عيلته عشان نتعلم لغة ونتعلمها مش بالطرق التقليدية لاء بطريقة مختلفة واسلوب مختلف قربنا كلنا منه وحببنا فيه وفى علمه وغير حلمنا وقدر يغير تفكيرنا وايمانا بقدراتنا وهدفنا من ناس عايزة تتعلم تعرف تتكلم لغة لناس هدفها اكبر هدفها الاتقان وزيادة ثقافتها والرغبة فى معرفة ثقافة شعوب اخرى وكمان طموحه ماوقفش لحد هنا لاء خلانا عايزين مش بس نتعلم لغة واحدة لاء نحب لغات تانية ونطلب نتعلمها وده بعد ما عملنا طليق عشان ننطلق ونتعلم اكتر من لغة.
هذا الانسان تحمل الكثير من الاعباء والضغط وحملات الهاكرز على zamerican english و طليق بالاضافة الى سرقة مجهوده و...و.... حتى انه اصيب مرتين بكوفيد 19 ورغم ذلك ظل يعمل وهو مريض من اجل الوفاء بعهوده لنا وطبعا كلكم عارفين انى باتكلم عن م ابراهيم عادل واللى عمل عشانا كل ده وان ده الوقت اللى نبدأ فيه نعمل حاجة عشانه حتى وان كانت بسيطة بس هاتفرحه.
احنا متجميعين الساعة 8 م يوم السبت الجاى عشان نقدمله حاجة بسيطه تفرحه ونقوله احنا معاك واكيد انتم كمان عايزين تعملوا زينا واكتر واكيد كل اللى قرأ الكام سطر دول عايز يشارك واحنا كمان مستنينكم تشاركونا وتفرحوا معانا وتنضموا لفريق طليق فى ساعته التاريخية لان من غيركم مش هاننجح واحنا بنتمنى ننجح ونفرحه معاكم .
فى الساعة دى كل واحد مننا جميعا هايفضل على الموقع متواصل مع كل الموجودين على مدار الساعة يكتب منشور او يعلق على باقى المنشورات او يعمل تصويت المهم نفضل كلنا لحد مانوصل او نعدي 100 مشارك ونقدر ناخد صورة باسمائنا زي الصورة دى واحلى.
كده عرفتوا كل حاجة امشى انا بقى ومستنياكم فى التعليقات تقولولى مين هايشارك وحابب يشارك ازاى ولو حد يحب اشارك معاه فى اعداد اى منشور او سلسلة ونساعد بعض انا معاكم وبحبكم جداااااااا وقلوب كتيررررر❤
ااااوباااا نسيت اقولكم انا عاملكم رحلة يومها لمدينة شرق اسيوية... ااااااايوة هى بعينها اللى عايز يجى معايا يومها يشاركنا هاتكفل بمصاريف السفر والتسوق ههههههه وكمان فى هدية لافضل تعليق واللى مش عايز هادفعه تمن التذكرة اللى هاترجع ههههههه واللى عايز يستفسر عن شئ يقدر يستفسر من هنا.
❤❤دمتم جميعا بخير ❤❤