15.1k questions
86.8k answers
81.8k comments
22.8k users
السلام عليكم ورحمة الله وبركاته
ازيكم جميعا الحمد لله كلنا متجمعين باعتذر اتأخرت عليكم كنت بادور على تذاكر بسعر رخيص وكمان كنت بادور على اتوبيس قصدى طيارة فيها المقاعد جنب الشباك بس عشان نوف وصافى وزينب مايزعلوش وانا قولت اشمعنا هما كلنا نقعد جنب الشباك وكمان منار حاجزة اول كرسي من الرحلة اللي فاتت فبلاش حد يغلس ويجرى يقعد مكانها معانا النهاردة كابتن محمود من غير حروفه المبعثرة ومساعد طيار جعفر وجرير معلش هو كرسي واحد تبدلوا عليه طول الرحلة هاتتعبوا شوية بس فدايه ههههههه يالا بينا نبدء رحلتنا رحلتنا النهاردة الى مدينة. مدينة ينبعث منها عبق التاريخ وعندما تقترب منها تسمع ضجيج السياح حيث ان بها اعظم واقدم الاثار الرومانية هى...مدينة روما
زي ما احنا شايفين ده اول مكان لازم تزوره وهو المنتدى الرومانى Roman Forum ليه بقى لانه مركز العاصمة الرومانية القديمة لان كان هنا جميع الابنية الحكومية وكانت تقام هنا الاحتفالات الشعبية والانتخابات الحكومية وكذلك المحاكمات العلنية
شايفين كمان اللى هناك ده عمود تراجان Trajan's Column قصدى الامبراطور تراجان وارتفاعة تقريبا اكتر من 30م ده غير المنصة العالية اللى فوووق دى الله شيفين النقوش اللى عليه ما ابدعها دى بتحكى قصص انتصار الامبراطور فى حروبه
الناحية التانية بقى بصوا فيه ايه ده قوس تيتوس Arch of Titus هو قوس شبه المدخل أنشئ سنة 82 م من قبل الإمبراطور دوميتيان لاخوه تيتوس ليه بقى عشان يحيي ذكرى انتصارات أخيه الأكبر شوفتوا الحب
الجزء اللى احنا قدامه ده سيرك ماكسيموس Circus Maximus كان يعد أكبر ستاد في روما، حيث يوجد به 250,000 مقعد أعاد الإمبراطور تراجان بنائه بعد حريق عام 64 ميلاديا للاسف كل ما تبقي من السيرك هو حلبة السباق التي يغطيها الاعشاب ويستخدم في بعض الأحيان لإقامة الحفلات حيث تجمع أكثر من 700,000 مشجع للاحتفال بفوز إيطاليا بمونديال 2006 والمعروضة صورتهم على شاشة الكرسى اللى قدام حضراتكميالا بقى كفاية مش هانفضل هنا طول اليوم عشان نلحق نزور الباقيين اطلع بينا ياسطى جرير يوووه يا كابتن جرير على احلى واجمل الاماكن فى روما الكولوسيوم Colosseum.الكولوسيوم هو اكبر مدرج روماني فهو عملاق فى نفسه كده وحاجة جامدة جدى تم بنائه في القرن الأول بين عامي 70 و72 بعد الميلاد تحت حكم الإمبراطور فلافيو وتم الانتهاء منه عام 80 في عهد تيتوس وكمان عارفين كانت الساحة دي بتستخدم في ايه فى قتال المصارعين والمسابقات الجماهيرية، حيث تتراوح سعته ما بين 50,000 إلى 80,000 مشجع ومكون من ثمانية صفوف جعفر من فضلك اطلع بالطيارة شويه عشان نشوفه من فوق بصوا الجمال ايه رايكم ؟نزلي راسك شوية يا اسراء لاء مش انتي اسراء 2 مش شايفة منك ااااااااه اللى قدامنا ده بقى تحفة ومقبرة فى نفس ذات اللحظة زيمبقولك كده مبنى البانثيون Pantheonيعتبر المبنى واحد من اشهر معالم روما وده لانه يعد المبنى الوحيد اللى لسه محتفظ بشكله واللى بدء بنائه الامبراطور تراجان بواسطة مهندسة المعمارى الذى صمم المبنى وفى نهاية المبنى قاعة مستديرة مزينة بقبةوكان الهدف من بنائه ان يكون معبدا لجميع الهة روما ولكن بعد انتهاء العصر الرومانى وفى القرن السابع الميلادى تحول الى كنيسة مسيحية ثم الى مزار سياحى حيث انه اقدم مبنى فى روما. يالا بينا على مكان حلو اسمه ساحة نافونا Piazza Navona شايفين الجمالالساحة بتضم معالم اشهرهم اللى هناك دى عند المسلة دى نافورة الانهار الاربعة واللى صممها الفنان جيوفانى وهى عبارة عن مسلة مصرية تم وضعها على صخرة على اربع منحوتات تمثل اعظم اربع انهار وهى نهر النيل ونهر العاج والدانوب ونهر ريودى لابلاتا وكمان فى معالم تانية زي نافورة نبتون ونافورة مور وكمان كنيسة سانت اغنيس والساحة كانت زمان مكان للمسابقات.
تعالو بقى نستريح شوية على السلالم الإسبانية Spanish Steps ضموا على بعض يا خدوجة وخدوج وسلمى وانت يا ست نوجا انت ولوزة المكان زحمة وانتوا قاعدين براحتكم وناسين اننا معاكم. بصوا النافورة اللى قدامنا دى اسمها نافورة القارب واللى بترمز لحادثة غرق روما القديمة عندما فاض نهر التيبر وجرفت مياهه القارب إلى هنا اما اللى ورانا وجنبا دوار إسبانا وساحة ترينيتادي مونتي واللى هناك ده تمثال الملك داود والنبي موسى واللى الناحية التانية دى نافورة تريفي هانروح نشوفها من قريب بس نستريح شويةيالا بينا كل واحد معاه عملة يحضرها بس بشرط كل واحد لما نرجع يكتب فى الكومنت ايه الامنية اللى اتمناها ايوه يسيح لنفسه يا سمور انت وبراء وانت بالذات رومانتيك عايزة اعرف امنيتك فى نافورة تريفى Trevi Fountain.النافور جمالها غير طبيعى تحفة بجد ارتفاعها 26م انتهى بنائها عام 1762 ولها شهرة واسعة وبيزورها السياح من كل انحاء العالم ليه بقى بيقولك انهم بيعتقدوا انك لما ترمي عملة وتتمنى امنية النافورة قادرة على تحقيق الامنية دى ( اى كلام ) وده تقريبا شبه قصة بير مسعود فى اسكندرية بس انا عاجبنى التفاصيل المعمارية والتماثيليالا بينا بقى نشترى شوية حاجات ونتسوق هانروح شارع او سوق كامبو دى فيورى Campo de' Fiori ده بقى يا عبير انت ومنول ومليار ومرام وروجا وريم ونهى هايعجبكم جدا هانشتري اللحوم والاسماك والتوابل والزهور وكل حاجة وباسعار حلوة شايفين الالوان مش زي الخضار والفاكهة عندنا. هاسيبكم تشتروا ونتقابل بعد ساعة قدام المدخل واللى هايتأخر هاسيبه وارجع.كفاية يامنه انت وربا وبيان ورنا وزينب ونورة يالا بينا استاذ اكرم وعبد الخالق بيزعقوا هههههه يالا بقى عايزين نرجع قبل ما الليل يليل علينا..... اااااه انا عرفت انتوا عايزين تقعدوا هنا لحد بالليل لان الساحة بالليل بتتحول ايوة بتبقى ساحة للموسيقى والاغانى والمطاعم والكافيهات بتفتح وبتبقى حاجة تانية خاااالص. اليوم عدى بسرعة معاكم وكنت مبسوطة قوى عشان انا بافرح وانا معاكم وباتمنى الرحلة تكون عجبتكم واللى مجاش معانا المرة دى يجي معانا المرة الجاية. وقبل ما ننهى رحلتنا احب اقولكم امنيتى عند نافورة تريفى انا اتمنيت ان ا ابراهيم يجي معانا الرحلة الجاية ويكون موجود معانا وفى وسطنا باتم صحة وسعادة
حمدلله على سلامتكم
ودمتم سالمين .... بحبكم جداااااا
وعليكم السلام ورحمه الله
ايه الرحلة الجميلة دي
انا استمتعت بالرحلة
سلمت يداك حبيبتي ❤️❤️❤️
بالتوفيق للجميع ✨❤️
السلام عليكم ورحمة الله وبركاته .....
إيه الجمال ده الله أكبر يا جميلة يالي كل حاجه تكتبيها عسل يا حبوبة "على قولة أستاذة روماتيك "
يا أختي أخذتيني جو وكأني طالعة ومندمجة معاج وأضحك معاج الله يعطيج العافية على المجهود يا أختي كلمة حبيييييييييييييييييييييييييييييييييي
ييييييييييييييييييييييييت ما تصف إحساسي وأنا أقرأ تذكرت أول ما أجيت بالبداية جذبني فيج أسلوبج بالكتابة وطبعا روحج الحلوة الله يحفظج من كل شر قولي امين...
وأنا أشوف الصور والتفاصيل على عامود ترجان يا أختي أسرتيني بهالموضوع .....في وحدة حلوة ما قرأت الجزء الأول تبي تروح تبحث عنه
هلا وغلا شخبارك اختي
واو وايد حبيت الرحله وايد حلوه وبحب روما كثير بعد ❤️ استمتعت بالرحله كثير واقل ما يقال عليكي انج مبدعه والله وطريقة سردك و فرفشتك يلي بالنص حلو كثير والله❤️ استمري عزيزتي
مشكوره ❤️
يا جمالك وجمال الأسلوب الّي بتحكي فيه، أنا بقرأ ومستمتعة جدا. أمنية أن كلامك هاد كله يتحول لحقيقة..
أبدعتِ جدا يا ميرو ❤️❤️
اذيك فرفوشة الموقع
اي الطعامة دي يا طعم اسلوب حلو وجميل اوووي اوووي بس مليش دعوة انا عايزة اقعد جنب الشباك اتصرفي بقى والا هبكي
بس بجد معلومات رائعة جدا جدا وانا حطيت المنشور في المفضلة لانو حلووو وكمان لاني ما كملته كلو بعتزر عشان الدراسة
المهم يا ميرووووو استمري يا ملكة المظاهرات في ابداعتك واهم شي المظاهرات انا عايزة اشارك معك بقى عايزة اقلبها فوقاني تحتاني هههههههههه
اعتذر عن الاطالة ميرووو
تحياتي
أنـا شفت قـبل بس ما رديـت لأن عقلـي كان بمكان تاني ، لازم أكتـب بعقلي وأوصف إبداععكك ، مرااا أسلـوب لطيـفف ومحبب يا ميرا ❤️❤️❤️✨
ما تأخذينا نشتري حلويات! مين يريد لحم! مش أناا .
هو أنا مش عارفة يا ترى هقول رأيي في روعة المعلومات ولا جمال سحرك في طريقة الكتابة ولا التنسيق ولا أشكرك على الرحلة الجميلة اللي كان نفسى فيها من زمان ..............
أما بقى بالنسبة لنافورة تريفي فدا بتحديد أول مكان نفسي أزوره في روما مش عشان أتمنى حاجة لا ولكن عايزة اقتحم النافورة واكبش شوية يورو معتبرين نجيب بيهم شوية لب وفستق وبندق يسلونا في الطريق ●~●
تسلمي حبيبتي مرفت بجد استمتعت كتير بالرحلة ويا ريت الرحلة اللي جاية تكون الصين عايزين نشوف فخر العرب بقى.
السلام عليكم ورحمه الله وبركاته
أحضرت قهوتي وحلوى حتى أقرأ منشورك والمغامره التي سنخوضها .
رااائعه وأنييقه جداً كانت رحله ممتعه ومفيده والاجواء أكثر من رائعه لدرجه أنني حين وصلت للنهايه لم أصدق وأخبرت زينب بدهشه ( انتهت الرحله ؟! ) ، فعاودت القراءه مره أخرى وأنا أضحك هناك مواقف كانت مضحكه جداً جداً ، قلت لأختي تخيلي أنها حقيقيه وجميعنا نسافر يا الهي ستكون رااائعه حقاً ، كما أنني اشتريت أغراض كثيره في هذه الرحله هههههههه وتعبت من حمل الاكياس لأنها ثقيله ههههههه لماذا لم تساعديني في حمل الاكياس ؟! ههههههه، لم أتمنى أمنيه لكن دوماً أدعو لكي بالستر والعافيه وجبر الخاطر حتى حين أتحدث عنكِ مع أختي ، جزاكم الله خير الجزاء ولا حاسبكم يوم اللقاء .
وشكراً .
تعرفي يا ميرو..وانا بقرا تخيلت الرحله ...ياااه لو كانت حقيقه....بتجنن ....
ثانيا أسلوبك جميل انا لو شفته ع النت بدون لمستك الفنيه مش راح اقرا سطر واحد....
ثالثا... يعطيك العافيه على المجهود الطيب مأجور إن شاءالله...
ربي يسعدك مثل ما اسعدتينا بكلامك....ويرسم البسمه ع قلبك مثل ما رسمتيها ع قلوبنا ...
عسل انت والله (◕ᴗ◕✿)
اجمل رحله دى ولا ايه
تسلم ايدك يا ميرو على المعلومات الجميله ♥♥
السلام عليكم ميرو❤️
ايه الإبداع ده
كتير نبسطت وانا عم أقرا
وجزاكي الله خيرا على التعب يلي عانيتيه وانتي عم تكتبي❤️❤️