السلام عليكم ورحمة الله وبركاته ......
في يوم 1/5/2021 يوم السبت تقريبا بالليل في شهر رمضان انشر بالمنتدى منشور وعنوانه مشتركة جديدة في منتدى طليق ...وكانت هذه المشتركة زينب ماضي أنا:)
كنت متوترة وخايفة لأنه كنت مخططة لأمور وااايد لحياتي ودراستي وكل شغلي بعد شهر رمضان وما كان المنتدى من ضمنهم بس سبحان الخالق لما تتغير مسار حياتنا كلها وكتب لي رب العالمين واجيت المنتدى مثل ما قلت لكم في يومي الأول منشوري الأول
بيومي الأول كنتوا غريبين بالنسبة لي وما أعرفكم بس على الرغم من جذي كنتوا ووووايد زينين معاي قلتولي أحنا هني عايلة وحدة ...إن شاء الله نكون عند حسن ظنج أي شي تبينه أحنا موجودين أهلا فيج وغيرررها من الكلام إلي فعلييا ريحني وقلتوا لي أحنا هني نساعد من غير مقابل وشجعتوني ودعمتوني وللأمانة في كل مكان تكون مجموعة وصعب على الإنسان الغريب انه يدخل هالمجموعة ... أنتوا ما سويتوا جذي دعمتوني وأحتويتوني ووقفتوا معاي وما أنسى محررتنا الجميلة أستاذة رومانتيك إلي أجيت هني بنصيحة منها ..وشكرا لباقي إدارة التحرير كل كلمة كانت تعنيلي وتدعمني
شكراا لدعمكم نصيحتكم ثقتكم وشكراااا لكل من حررلي تعليق
بس اليوم لما رجعت قريت أول تعليقات أجتني ما كنتوا غريبين أعرفكم
ومرة كنت أشوف الأعضاء بالصفحة الأولى تفاجأت قلت كلهم أعرفهم علقوا عندي ودعموني أول كلمة نطقت فيها تستاهلون أنكم بهذا المكان
أختي قبل لا تجي كنت وااايد أمدح فيكم ولما قررت تدخل قلت لها راح يرحبون فيج حيييل وهم وااايد زينين وبالفعل صار هالشي وكنت فخورة فيكم وااايد
مر شهر بكل شي بجميع تفاصيله ...كنت حابة أنه فعليا أكون قد ثقة الأستاذة رومانتيك وأني أفيد وأستفيد مثل ما قلتوا لي ...أني أنشر علم نافع وأتعلم منكم وبصراحة كانت من أكبر اهدافي هي أني أضيف للمنتدى وأيضا يضيفلي
ما أدري إذا حققت هالشي أو لا وكل الشكر ما يكفي يوصف إحساسي وشكري وامتناني وتقديري لكم
إن شاء الله كنت خفيفة بمروري، مؤثرة بتواجدي وكنت إضافة جميلة، وأعذروني على الإطالة شكرااااااا زينب ماضي