السلام عليكم ورحمة الله وبركاته
ساعات الواحد بيفقد الامل في حاجات كتير ويحس ان ده مش مكانه وانه غير اللي حواليه ومش عارف يتأقلم و...و .....و فتبدأ الافكار تتراكم جواك وتتصارع لحد ما تلخبطك وتبقي مش عارف تعمل ايه.. وعلي قد ما تقاوم الصراع ده بتغرق فيه... وكل ما تحاول تطلع تلاقي نفسك بتغوص اكتر واكتر ... لحد ما توصل لنقطة تفقد فيها الامل وتبقي في النقطة السوداء فربنا بعفوه وكرمه يلحقك ويبعتلك رساله زي دي فتحس ان الدنيا كلها اتبدلت في لحظة وربنا مسح علي صدرك وشال عنك برسالة غير متوقعة وكان ممكن ماتشوفهاش بس ربك كان له حكمة ووصلهالك.
اللهم لك الحمد علي نعمة حب الناس حتي لو كان فرد واحد انا راضية بيه .
مش عارفة انا ليه كتبت بس رسالة نورة هزتني من جوه ولاقيتني بكتب وحبيت افضفض معاكم واقولكم ربنا قريب ماتضعفوش عشان اي حاجة وكملوا طريقكم وخلوا هدفكم قدامكم مش وراكم وطول ما نيتك خير هاتحصد خير " وعلي نياتكم ترزقون" .
قبل على ما اسيبكم احب اقولكم جبر الخواطر ثوابه عظيم
يمكن... لاء اكيد بكلمه طيبة منك تفتح ابواب امل لناس كتير خليك انت السبب في بسمة اللي حواليك❤.
دمتم بخير جميعا وفي رعاية رب العرش العظيم.
جزاك الله خيرا وجعله في ميزان حسناتك نورة
